Yanzu Yanzu: wani dan Kwankwasiyya ya takali Abdullahi Abbas

 Yanzu Yanzu: wani dan Kwankwasiyya ya takali Abdullahi Abbas 

Wani matashi dan Kwankwasiyya a jihar Kano, mai suna Abubakar Lecturer, ya bukaci yin muhawara akan harkar ilimi, da shugaban jam'iyyar APC na jihar Kano Abdullahi Abbas, tsakanin gwamnatin Sanata Rabiu Kwankwaso da kuma ta Dakta Abdullahi Umar Ganduje.

Matashin ya fara da cewa, ‘’Bansan me Abdullahi Abbas yake ji dashi ba, naji yace wai gwamnatin baya babu abinda ta yiwa ilimi sai gina makarantu na banza.

‘’Banso dai nace masa kon kanzil ba, to amma kalmar BANZA da yayi amfani da ita wajen alakanta makaranta yasa naga ya dace na mika masa sakon gayyata.

‘’A cikin wannan watan za'ayi bikin ranar ilimi ta duniya, zan nemi alfarma a Kwankwasiyya Reporters TV, a bamu lokaci kyauta ko kuma na biya da kudina, yazo muyi wata gasa dashi, ya fado inganta ilimin da yake magana gwamnatin Ganduje tayi, nima na fado wanda gwamnatin Kwankwaso tayi.

‘’Zamu samu masana cigaban ilimi, wadanda ba 'yan siyasa ba, su zama alkalan gasa, za'a saka mana kai tsaye ne, yadda muna gabatarwa, alkalai na tantancewa a lokaci guda, muna kammalawa su sanar da sakamako nan take, amma cikin yaren nasara (English), za'ayi wannan fafatawa.

‘’Duk wanda aka cinye a hujjoji, zai koma bangaren wanda yayi nasara, ina fatan zai karbi wannan tayin." ― Inji shi

Matashin dai ya sanar da hakan ne, cikin wani rubutu da ya wallafa a shafinsa na sada zumunta a wannan rana, wanda yake martani kan kalaman shugaban APC da yayi. 

A ganinku waye zai sha kaye cikinsu, mudai namu idanu